അരീപ്പറമ്പ്: സെന്റ് സെബാസ്റ്റ്യൻസ് ദേവാലയത്തിന്റെ നേതൃത്വത്തിൽ പുതിയ ദേവാലയത്തിന്റെ ശിലാസ്ഥാപന കർമ്മം സെപ്റ്റംബർ 21ന് നടക്കും. വൈകുന്നേരം 5 മണിക്ക് നടക്കുന്ന ചടങ്ങിൽ കൊച്ചി രൂപതാധ്യക്ഷൻ അഭിവന്ദ്യ ആന്റ...
അരീപ്പറമ്പ്: സെന്റ് സെബാസ്റ്റ്യൻസ് ദേവാലയത്തിന്റെ നേതൃത്വത്തിൽ പുതിയ ദേവാലയത്തിന്റെ ശിലാസ്ഥാപന കർമ്മം സെപ്റ്റംബർ 21ന് നടക്കും. വൈകുന്നേരം 5 മണിക്ക് നടക്കുന്ന ചടങ്ങിൽ കൊച്ചി രൂപതാധ്യക്ഷൻ അഭിവന്ദ്യ ആന്റണി കാടിനനിൽ പിതാവ് ശിലാസ്ഥാപന കർമ്മം നിർവഹിക്കും.
പുതിയ ദേവാലയത്തിന്റെ നിർമ്മാണത്തിന് തുടക്കം കുറിക്കുന്ന ചടങ്ങിൽ വൈദികരും ഇടവകാംഗങ്ങളും വിശ്വാസികളും പങ്കെടുക്കും. ദേവാലയത്തിന്റെ ആത്മീയവും സാമൂഹികവുമായ പ്രവർത്തനങ്ങൾക്ക് കൂടുതൽ സൗകര്യപ്രദമായ അന്തരീക്ഷം ഒരുക്കുന്നതിനുള്ള പ്രധാന ചുവടുവയ്പ്പായാണ് പുതിയ ദേവാലയത്തിന്റെ നിർമ്മാണം.
ശിലാസ്ഥാപന കർമ്മത്തോടനുബന്ധിച്ച് ഇടവക സമൂഹത്തിന്റെ നേതൃത്വത്തിൽ വിവിധ ഒരുക്കങ്ങളും നടന്നുവരുന്നു. ചടങ്ങിലേക്ക് എല്ലാ വിശ്വാസികളെയും സ്വാഗതം ചെയ്യുന്നതായി ദേവാലയ അധികൃതർ അറിയിച്ചു.