🌟 കൊച്ചി രൂപത ബൈബിൾ കലോത്സവം🌟

കൊച്ചി രൂപത ബൈബിൾ അപ്പോസ്തലേറ്റിൻ്റെ നേതൃത്വത്തിൽ സംഘടിപ്പിച്ച ബൈബിൾ കലോത്സവം അതിന്റെ ലക്ഷ്യവും മഹത്വവും പൂർണ്ണമായി ഉൾക്കൊണ്ട്, വളരെ മനോഹരമായും ചിട്ടയായും വിജയകരമായി സമാപിച്ചിരിക്കുകയാണ്.

ദൈവകൃപയാൽ യാതൊരു പ്രതിബന്ധങ്ങൾക്കും ഈ മഹത്തായ വേദിയുടെ സൗന്ദര്യത്തെയും വിജയത്തെയും തകർക്കാൻ കഴിഞ്ഞില്ല.

സത്യവും സുതാര്യതയും അച്ചടക്കവും കൂട്ടായ്മയും ഒടുവിൽ വിജയിച്ചു.

വാക്കുകളേക്കാൾ ശക്തമായി പ്രവർത്തനങ്ങൾ സംസാരിച്ചു.

ഇത് ഒരു മത്സരത്തിന്റെ മാത്രം വിജയമല്ല; സ്നേഹത്തിന്റെയും ഐക്യത്തിന്റെയും സാഹോദര്യത്തിന്റെയും വിജയമാണ്.

ഈ മഹത്തായ സംരംഭത്തിന്റെ വിജയത്തിനായി ആത്മാർത്ഥമായി പ്രവർത്തിച്ച എല്ലാവർക്കും ഹൃദയം നിറഞ്ഞ നന്ദി.

ഇതിൻ്റെ പ്രവർത്തനങ്ങൾ തുടങ്ങിയത് മുതൽ ഞങ്ങളെ ഏറ്റവും നന്നായി പ്രോത്സാഹിപ്പിച്ച രൂപതയ്ക്ക് അകത്തും പുറത്തുമുള്ള എല്ലാ അച്ചന്മാർക്ക് നന്ദി പറയുന്നു; കാരണം നിങ്ങൾ ഒറ്റക്കല്ല ഇത് രൂപതയുടെ പരിപാടിയാണെന്ന് പറഞ്ഞ് ഞങ്ങളെ ചേർത്ത് നിർത്തിയത് നിങ്ങളാണ്.

അഭിവന്ദ്യ പിതാവിൻ്റെ സഹകരണത്തെയും ജോസി അച്ചന്റെയും ജോണി അച്ചന്റെയും പ്രോത്സാഹനങ്ങളെയും നന്ദിയോടെ ഓർക്കുന്നു.

👏 ചാമ്പ്യൻമാരായ പൂങ്കാവ് ഇടവകയ്ക്കും, ഫസ്റ്റ് റണ്ണറപ്പായ ഇടക്കൊച്ചി ഇടവകയ്ക്കും, സെക്കൻഡ് റണ്ണറപ്പായ മുണ്ടംവേലി ഇടവകയ്ക്കും ഹൃദയം നിറഞ്ഞ അഭിനന്ദനങ്ങൾ!

ദൈവവചനം നമ്മുടെ ജീവിതങ്ങളെ കൂടുതൽ പ്രകാശിപ്പിക്കട്ടെ.

എല്ലാവർക്കും ഹൃദയം നിറഞ്ഞ നന്ദി! 🙏